Temeki shekkeni úshin «Stambýl-Almaty» baǵytyndaǵy reısten 30 jastaǵy Túrkııa azamaty jolynan qaldy
ASTANA. QazAqparat - Astana áýejaıynda kólik polıtseıleri «Stambýl-Astana» baǵytyndaǵy halyqaralyq áýe reısinen 30 jastaǵy azamatty temeki shekkeni úshin eline ushyrmady, dep habarlady Kóliktegi ІІD baspasóz qyzmetinen.
Astana qalasynyń áýejaıyndaǵy Jelilik polıtsııa bólimine «Eır-Astana» áýe kompanııasynyń agentinen «Stambýl-Astana» baǵytyndaǵy áýe kemesiniń bortyndaǵy quqyqbuzýshy týraly habarlama kelip túsken. Tekserý barysynda áýe kóliginiń ájethanasynda temeki shekken 1985 jyly týylǵan Túrkııa azamaty ekendigi anyqtaldy. Atalǵan fakt boıynsha QR ÁQBtK-niń 441-baby 1-bólimimen (Jekelegen qoǵamdyq oryndarda temeki shegýge tyıym salýdy buzý) ákimshilik hattama toltyrylyp, túrkııalyq azamat úsh aılyq eseptik kórsetkish mólsherinde ákimshilik jaýapkershilikke tartyldy. Kólik polıtseıleriniń málimeti boıynsha, jyl basynan beri QR ІІM Kóliktegi ІІD qyzmet kórsetý aýmaǵynda túrli ákimshilik quqyqbuzýshylyqqa jol bergen 55400 quqyqbuzýshy ákimshilik jaýapkershilikke tartylǵan. Onyń ishinde 4683 azamat temeki shegýge tyıym salýdy buzǵany úshin jaýapkershilikke tartylǵan.
