Temeki shegýge qarsy taqyrypty belsendi kóterip júrgen jýrnalıster arasynda baıqaý ótpek
ASTANA. 24 qazan. QazAqparat - Almaty qalasyndaǵy salamatty ómir saltyn qalyptastyrý ortalyǵy men «Temeki tútininen erkin Qazaqstan úshin!» Ulttyq koalıtsııasy temeki tartýǵa qarsy taqyrypty belsendi kóterip júrgen jýrnalıster arasynda baıqaý ótkizedi,
dep habarlaıdy uıymdastyrýshylardyń resmı saıty.
Baspasóz qyzmetiniń aqparaty boıynsha, baıqaýǵa materıaldar kelesideı taqyryptarda usynylýy tıis:
- - Ulttyq saıasat jáne Qazaqstandaǵy temeki tartýdy baqylaýǵa alýdyń jetistikteri;
- - Temegi shegýge qarsy sharalardy nasıhattaý (sonyń ishinde «Almaty temeki tútininen taza qala» baǵdarlamasynyń aıasyndaǵy sharalar);
- - Temeki shegý máselesin sheshýdiń tıimdi joldary jáne aldyn alý baǵytyndaǵy usynystar.
Tilshiler men qoǵam qaıratkerlerinen quralǵan baıqaýdyń ádilqazylar múshesi 2011 jyldyń qańtar men jeltoqsan aılarynda jarııalanǵan tele-, radıo-, gazet materıaldaryn, sonymen birge blog-jarııalanymdardy oqyp, úzdikterin suryptaıtyn bolady.
Jumystar 1 jeltoqsanǵa deıin nosmoke_kaz@mail.ru ınternettegi poshta adresi boıynsha qabyldanady. Materıaldardy «Jýrnalıster baıqaýy úshin» degen atpen erekshelep qoıý qajet.
Uıymdastyrýshylardyń habarlaýynsha, baıqaý jeńimpazdary baǵaly syılyqtarmen marapattalady.
Qosymsha aqparattar www. nosmoke.kz , www.almatysmokefree.kz saıttarynda qoıylǵan.
