Temeki shegýdi tastaýǵa nıet etken elordalyqtardyń sany 6 myńǵa jetti

Bul týraly búgin ótken baspasóz máslıhatynda Astana qalasy Densaýlyq saqtaý departamenti janyndaǵy Salaýatty ómir saltyn qalyptastyrý ortalyǵy dırektorynyń mindetin atqarýshy Janar Kákenova málim etti, dep habarlaıdy QazAqparat.

Onyń sózine qaraǵanda, búgingi tańda atalǵan baıqaýǵa qatysýǵa nıet bildirip jatqan azamattardyń sany jyl saıyn artyp keledi. Bas kezinde olardyń sany 450 adam bolsa, sońǵy jyldary temekini tastaýdy nıet etkenderdiń qatary 5 myń adamǵa deıin tolyqty. «Bıylǵy baıqaýǵa Astana qalasy boıynsha 6000 adam qatysady degen boljam bar. Olardyń 8-12 paıyzy temekini tolyǵymen tastap ketedi. Sondyqtan, árıne, barlyǵy tek adamnyń ózine ǵana baılanysty»,-deıdi J.Kákenova.

J.Kákenova atap kórsetkendeı, baıqaý barysynda temekini tastaımyn degen qatysýshylardyń qany únemi tekserilip otyrady.

20 sáýir men 20 mamyr aralyǵynda ótetin «Temekini tasta da, densaýlyqty utyp al!» atty halyqaralyq baıqaýyna 18 jastan joǵary temekini 1 jyldan astam ýaqyt shegip júrgen Qazaqstan azamattary qatysa alady. Ol úshin qatysam deýshiler arnaıy tirkeý qaǵazyn toltyrýy tıis. Baıqaý oblystyq, respýblıkalyq jáne halyqaralyq deńgeıde ótkizilmek.