Temeki sekildi qantpen de kúresetin ýaqyt jetti - VVS
NUR-SULTAN. QazAqparat - «Sońǵy onjyldyqta temekige qarsy kúres kúsheıdi. 2007 jyldan bastap adamdardy temekiden bas tartýǵa ıtermeleıtin túrli amaldar oılap tabyldy. Endi qantpen de osy baǵytta kúresetin ýaqyt jetti», dep jazady VVS.
«Ulybrıtanııanyń Memlekettik saıasat zertteýleri ınstıtýty (IPPR) tátti taǵamdardy tartymsyz (syrtqy qoraby nashar, jaǵymsyz bezendirilgen) qoraptarǵa salýdy usyndy. Instıtýt dırektory Tom Kıbasıdiń aıtýynsha, bul da qantpen kúresý úshin mańyzdy qural bola alady. Degenmen, azyq-túlik federatsııasy brendıngtiń «kommertsııalyq erkindikke» negizdelgenin aıtyp, básekelestik úshin táttilerdiń syrt kelbeti de mańyzdy ekenin atap ótti. Endi densaýlyq saqtaý jáne áleýmettik qamtý departamenti Anglııanyń bas medıtsına dırektory, professor Dam Sallı Devıstiń sheshimin kútýde», dep jazady basylym.
Avtordyń aıtýynsha, 2030 jylǵa deıin balalar semizdigin azaıtý úshin qazirden áreket ete bastaý kerek.
«IPPRdiń taǵy bir usynysy - tátti sýsyn men basqa da azyq-túlikterge salyqty kóbeıtý. Degenmen, bul áli bekitilmedi. Balalar semizdigi týraly jıi aıtylyp júrgendikten, endi qantpen kúresý týraly da jıi aıtylatyn bolady», dep jazady avtor.
