Temeki ónimderin tańbalaý jumysy ońaılatyldy
Aǵymdaǵy jylǵy 16 qyrkúıekte Qazaqstan Respýblıkasy Premer-Mınıstriniń birinshi orynbasary Á. Smaıylovtyń tóraǵalyǵymen Qazaqstan Respýblıkasynda taýarlardy tańbalaý jáne qadaǵalaý máseleleri boıynsha kezekti keńes ótti.
Atap aıtqanda, sút ónimderin, temeki jáne alkogol ónimderin tańbalaý jáne qadaǵalaý boıynsha pılottyq jobany iske asyrý máseleleri qaraldy.
Keńes barysynda Premer-Mınıstrdiń birinshi orynbasary Á. Smaıylov taýarlardy tańbalaý júıesi bólshek saýda satýshylary-shaǵyn bızneske belgili bir aýyrtpalyq ákeletinin atap ótti.
«Atalǵan keńestiń qorytyndysy boıynsha Qarjy mınıstrligine temeki ónimderin tańbalaýdy óndirýshiler/ımporttaýshylar jáne kóterme saýdada ótkizýshiler deńgeıinde ǵana jalǵastyrý tapsyryldy. Bul rette bólshek saýda satýshylaryna taýarlardy 2D skanerlerdi satyp almaı jáne qoldanbaı tańbalaý jónindegi biryńǵaı operatordyń aqparattyq júıesinde alǵanyn rastaý jetkilikti bolady. Osylaısha, shaǵyn bızneske qosymsha qarjylyq jáne ákimshilik júkteme alynyp tastalady», - dep habarlady Memlekettik kirister komıtetinde.
Sondaı-aq alkogol ónimderin tańbalaý jáne qadaǵalaý boıynsha qoldanystaǵy pılotty joıý týraly sheshim qabyldandy, bul rette naryqtyń josyqsyz qatysýshylary men zańsyz ónimder salyqtyq jáne azamattyq baqylaý arqyly anyqtalatyn bolady.
Qazaqstan Respýblıkasynyń «Atameken» Ulttyq kásipkerler palatasy osy keńes barysynda aıtylǵan sheshimderdi tolyq qoldady.
Sonymen qatar, tutynýshylardy kontrafaktilik ónimderdi tutynýdan qorǵaý maqsatynda Saýda jáne ıntegratsııa mınıstrligine taýarlardy tańbalaý jáne qadaǵalaý júıesiniń oń jaqtary týraly túsindirý jumystaryn kúsheıtý tapsyryldy.
