Temeki ónimderin satýǵa tyıym salyndy

Bul týraly muslim.kz habarlady.

Temeki saýdasyna tyıym salatyn zań jobasy ótken jyldyń sáýir aıynda qabyldanǵan bolatyn. Alaıda, atalmysh zań kúshi arada toǵyz aı ótken soń ǵana tolyq kúshine enip otyr. Árıne, bul tyıymǵa narazy bolǵandardyń basym kópshiligi dúken qojaıyndary bolyp shyqty. «Bizder aıyna 60-70 myń qorap temeki satatynbyz. Endi óz bıznesimizdi tyıym salynǵan aýmaqtan tys jerde júrgizýge májbúr bolyp otyrmyz, - deıdi dúken ıeleriniń biri, - bolmasa jasyryn saýda jasaıtyn shyǵarmyz. Tek senimdi satyp alýshylarǵa ǵana kórsetiletin bul qyzmettiń quny qymbat bolatyny ǵajap emes». Qalaı degenmen de, dúken qojaıyndary bul tyıymnyń joıylýynan úmittenetinin de jasyrmaıdy.

Al, qoǵam músheleri, ásirese, ata-analar bul tyıymnyń tıimdiligine shák keltirmeıdi. Bul tyıym basqa da arab ámirlikterinde basa mán berilip otyrǵan temeki saýdasynan jas jetkinshekterdi jaman ádetke úıir bolýynan saqtasa, aşy tútinge ańsary aýǵandardyń temekini tastaýyna septigin tıgizedi dep senedi.