Temeki ónimderin tsıfrlyq kodsyz satýǵa tyıym salynady
Spıker tańbalaý — taýar týraly negizgi aqparatty: óndirýshi, serııalyq nómir jáne onyń oryn aýystyrýyn baqylaý úshin qajetti ózge de málimetterdi qamtıtyn erekshe belgi ekenin túsindirdi.
«2020 jyldyń 1 qazanynan bastap Qazaqstanda quramynda temeki bar fıltrli sıgaretterdi mindetti tsıfrlyq tańbalaý engizilgeni belgili. 2021 jyldyń 1 sáýirinen bastap tańbalaý temeki ónimderi men olardyń almastyrǵyshtarynyń barlyq túrleri úshin mindetti boldy. Temeki ónimderin sandyq kodsyz satýǵa tyıym salynady. Bıylǵy jyldyń 16 qyrkúıeginen bastap temeki ónimderin tańbalaý jumystary jeńildetildi, temeki ónimderin tańbalaý tek óndirýshiler/ımporttaýshylar jáne kóterme satýshylar deńgeıinde júzege asyrylady. Bólshek satýshylarǵa 2D-skanerlerdi satyp almaı jáne qoldanbaı taýarlardy alǵanyn rastaý jetkilikti bolady», - dedi Orynkúl Qazıev.
Soynmen qatar, ol qatysýshylar úshin Nasty Sounds alsa tegin mobıldi qosymshasy ázirlengenin jetkizdi.
«Sondaı-aq qoǵamdyq baqylaý quraly retinde Naqty Onim tegin mobıldi qosymshasy ázirlendi. Osy qosymsha arqyly bizdiń elimizdiń árbir azamaty temeki ónimderin satyp alǵan kezde olardyń túpnusqalyǵyn teksere alady jáne satyp alynatyn ónimniń sapasyna kóz jetkizýge múmkindik bar»,- dedi ol.
Taýarlardy tańbalaý men qadaǵalaýdyń aqparattyq júıesinde tirkeý úshin:
- Elektrondyq tsıfrlyq qoltańbany (ETsQ) alý.
- markirovka.kz siltemesi boıynsha «TTQ» AJ-da tirkelý.
- «MPT» AJ taýardy alǵanyn rastaý (taýardy jetkizýshilerden qabyldaý kezinde TTQ AJ qabyldaý-tapsyrý aktisin rastaısyz).
- Tańbalanǵan ónimdi durys satýdy (onlaın-kassalyq apparatty paıdalaný) bastaý qajet.
Aıta keterligi, taýarlardy tsıfrlyq tańbalaý Eýrazııalyq ekonomıkalyq odaq (EAEO) aýmaǵynda júzege asyrylatyn ultaralyq joba.
Mindetti tańbalaý engizilgen soń kóleńkeli aınalym úlesi edáýir tómendeıdi dep kútilýde.
