Temeki óndirýshilerdiń genderlik mazmundaǵy eskertýleri
ASTANA. Qyrkúıektiń 2-si. QazAqparat /Nurlan Ábildınov/ - Biraz ýaqyttan beri dúken sórelerinde «temeki ónimderiniń tútininde formaldegıd, benzol jáne kómirtek monooksıdi bar, temeki shegý belsizdikke uryndyrýy múmkin» (avtor mátindi esh ózgertýsiz keltirip otyr) degen eskertýi bar temeki ónimderi paıda boldy.
Biraq ta, "SOVEREIGN" temekisin óndirýshi «Djeı tı aı Qazaqstan» JShS (Almaty oblysynyń Іle aýdany) eskertýdi tek er azamattarǵa arnap, qýlyqqa barǵan syńaıly - mátinniń mazmunyna kóz salyńyzdarshy: sebebi belsizdik áıelderge emes, er azamattarǵa tán aýrý ǵoı.
Al «Philip Morris Products S.A." kompanııasynyń eskertýine nazar aýdarsańyzdar, ol keri taktıka tańdaǵan. Onyń "PARLAMENT" temeki óniminiń qorabynda: «temeki ónimderiniń tútininde formaldegıd, benzol jáne kómirtek monooksıdi bar, júktilik kezinde temeki shegý sizdiń náresteńizge zııan keltiredi» delingen.
Eger, Qazaqstanda er azamattardyń ázirge bosanbaıtynyn eskersek, onda jigitterimiz "PARLAMENT" temekisin, al belsizdik aýrýy tónbeıtin qyz-kelinshekter "SOVEREIGN" temekisin alyp shegýleri kerek qoı sonda. Sizderdi qaıdam, temeki kompanııalarynyń joǵarydaǵy eskertýleri meni osyndaı túıinge ıtermeleıdi.
Temeki qorabyna «temeki shegý týberkýlez, ókpe ragi jáne t.b.s.s aýrýlarǵa ákeledi» degen eskertýler jazylsa, temeki shegýshilerdi óz densaýlyqtary shyn máninde oılandyrar ma edi, kim bilsin?!
