Temeki qymbattady
Memlekettik kirister komıteti taratqan málimetke sáıkes, QR Qarjy mınıstriniń 22 aqpandaǵy buıryǵy boıynsha baǵa kezeń-kezeńimen qymbattap otyrady.
Atap aıtqanda, 1 naýryzdan 30 maýsymǵa deıin - 550 teńge bolsa, 1 shildeden 31 jeltoqsanǵa deıin - 570 teńge bolmaq. Al 2023 jylǵy 1 qańtardan bastap 600 teńgege kóteriledi.
Eske sala keteıik, 2021 jylǵy 24 qarashada «Temeki ónimderiniń óndirisi men aınalymyn memlekettik retteý týraly» Zańǵa túzetýler engizilgen bolatyn. Soǵan sáıkes, fıltrli, fıltrsiz sıgaretter men papırostardyń eń tómengi bólshek saýda baǵalaryn belgileý quzyreti Qarjy mınıstrligine berilgen.
Temeki ónimderine qatysty mólsherlengen salyq pen baǵa saıasaty densaýlyq saqtaý salasyna yqpal etý, ıaǵnı temeki shegýdi azaıtýǵa qol jetkizý maqsatynda júzege asyrylady.
