Temeki bermegen: Pavlodar turǵynyn soqqyǵa jyqqan jasóspirimder izdestirilip jatyr

PAVLODAR. QazAqparat - Pavlodarda 36 jastaǵy turǵyndy soqqyǵa jyqqan oqýshylar izdestirilip jatyr, dep habarlaıdy QazAqparat Pavlodarnews resýrsyna silteme jasap.

1 shilde kúni shamamen saǵat 23.00 kezinde Lermontov, 120 jáne Derıbas, 22 kósheleriniń qıylysynda aýlada jeti-segiz jasóspirim óz podeziniń aýlasynda shylym bermegeni úshin er adamdy qatty uryp tastaǵan.

- Podezde kamera nemese kóliginde vıdeotirkeýishi bar adamdardyń habarlasýyn ótinemin. Olar jazasyz qalmaýy tıis. Erteń kez kelgen adamǵa osylaı jasaýy múmkin, - dep jazady hattyń avtory Іnstagram jelisinde.

Oblystyq polıtsııa departamentiniń baspasóz qyzmeti atalmysh fakti tirkelgenin rastady.

«2 shilde kúni saǵat 00.30-da 102 operatorynyń pýltine Lermontov kóshesi,120 mekenjaıy boıynsha 36 jastaǵy er adamdy uryp-soǵý týraly qońyraý túsken. Bul jaǵdaıǵa qatysy bar adamdardy anyqtaý úshin izdestirý sharalary júrip jatyr» dep málim etti polıtsııa.

Foto: pavlodarnews.kz