Temeki kontrabandasy úshin sottalǵandar memleketke 7,3 mlrd teńge qaıtarady
ASTANA. KAZINFORM — Qazaqstanda temeki ónimderin kontrabandalyq jolmen ótkizgeni úshin sottalǵan 10 adamnan memleket kirisine 7,3 mlrd teńgeden astam qarajat óndiriletin boldy. Buǵan deıin sottalǵandardan keltirilgen zalal ótelmeı qalǵan.
Tergeý málimetinshe, 2024 jyldyń qańtar-tamyz aılary aralyǵynda sottalǵan 10 adam aldyn ala sóz baılasyp, Eýrazııalyq ekonomıkalyq odaqtyń kedendik shekarasy arqyly temeki ónimderin birneshe ret zańsyz ótkizgen. Olar taýarlardy kedendik baqylaýdan jasyrǵan. Kontrabandalyq ónimderdiń jalpy quny 7,3 mlrd teńge bolǵan.
Sot úkimimen kináliler ekonomıkalyq kontrabanda jasaǵany úshin sottalǵan. Alaıda memleketke keltirilgen zalal óndirilmegen.
Prokýratýra sot aktisine narazylyq engizip, isti Qylmystyq ister jónindegi kassatsııalyq sot qarady. Nátıjesinde sottalǵandardan memleket kirisine 7,3 mlrd teńgeden astam qarajatty ortaq tártippen óndirip alý týraly sheshim qabyldandy.
Osylaısha, temeki kontrabandasynan túsken qarajattyń bıýdjetke qaıtaryldy.
Eske salaıyq, buǵan deıin Oralda quny 100 mln teńgege jýyq zańsyz temeki aınalymynyń joly kesilgenin jazǵan edik.
