«TeliaSonera» men «Samsung» kompanııalary baılanystyń 4-shi býyn modemderin jetkizý týraly alǵashqy kelisimshartqa qol qoıdy.
ALMATY. Qazannyń 27-si. QazAqparat /Erlik Erjanuly/ - GSM Qazahstan/Kcell uıaly baılanys operatorynyń negizgi quryltaıshylarynyń biri sanalatyn «TeliaSonera» kompanııasy álemde eń alǵashqy bop keń alapty mobıldi ınternettiń jańa býynyn usynýǵa daıyn ekenin málimdedi,
dep habarlaıdy QazAqparat kompanııanyń baspasóz qyzmetine silteme jasap.
«TeliaSonera» men «Samsung» kompanııalary baılanystyń 4-shi býyn modemderin jetkizý týraly alǵashqy kelisimshartqa qol qoıdy. Keń alapty mobıldi ınternettiń jańa satysynda tutynýshylar málimetti jiberý jyldamdyǵyn qazirgiden 10 ese arttyrýǵa múmkindik alady. Ýaǵdalastyq boıynsha 4G-diń kommertsııalyq iske qosylýy úshin «TeliaSonera» 2010 jyly Shvetsııa men Norvegııaǵa málimetter jiberý modemderin jetkizýdi qamtamasyz etpek. Baılanystyń jańa býynyn aqyrǵy tutynýshyǵa deıin jetkizýdi kózdegen bul kelisim arqyly «TeliaSonera» 4G tehnologııalaryn kommertsııalyq negizde iske qosýdy júzege asyrǵan álemdegi eń alǵashqy operator bolýdy aldyna maqsat etip qoıyp otyr.
«Bizge birge jumys istegen jaǵymdy. Bul qazirgi zamanǵy telekommýnıkatsııa ındýstrııasynda alǵa jasalǵan tarıhı qadam. «TeliaSonera» kompanııasynyń 4G qyzmetin usyný bastamasyn nazarǵa alyp keń alapty ınternet qyzmetin jetildirýshi tutynýshylar sany kútkendegiden qysqa ýaqyttyń ishinde jyldam ulǵaıady dep úmit artamyz», deıdi «Samsung Electronics» kompanııasynyń atqarýshy vıtse-prezıdenti jáne uıaly baılanys quraldaryn damytý bóliminiń bastyǵy Djeı Keı Shın (JK Shin).
