Telejúrgizýshige tikeleı efırde kúıeýiniń ólimi týraly habarlaýǵa týra keldi
ASTANA. QazAqparat - Úndistandyq telejúrgizýshi Sýprıt Kaýr óz kúıeýiniń mert bolǵanyn tikeleı efırde bildi, dep habarlady The Times of India.
Úndistandyq IBC24 telearnasynyń qyzmetkeri úsh adam qaza taýyp, eki adam jaralanǵan jol-kólik apaty týraly jańalyqty oqyǵan. Arna tilshisi oqıǵa ornynan tikeleı efırde apattyń mán-jaıyn baıandap, avtokólik ıesi men apat orny jaıynda habar taratqan.
Kaýr óz kúıeýi týraly aıtylǵanyn túsinedi, alaıda shyǵarylymdy sońyna deıin júrgizdi. Efırden keıin júrgizýshi tilshige habarlasyp, óz kúıeýiniń mert bolǵanyn estigen. Osydan keıin janushyrǵan áıel týystaryna habarlasa bastaǵan.
Erli-zaıyptylar bir jyl buryn ǵana úılengen, bir qyzdary bar. Kaýr telearnada 9 jyldan beri eńbek etedi.
