Telejúrgizýshi Venesýela parlamentine jasalǵan shabýyl úshin jaýapkershilikti óz moınyna aldy
ASTANA. QazAqparat - Venesýelanyń memlekettik VTV telearnasynda baǵdarlamalardyń birin júrgizetin Osvaldo Rıvero sársenbide Ulttyq assambleıaǵa jasalǵan shabýylǵa jaýapkershilikti óz moınyna aldy. Bul týraly ol áleýmettik jelide taraǵan óziniń vıdeosynda aıtty, dep habarlady TASS.
Parlament spıkeri Hýlıo Borhestiń derekterine sáıkes úkimet jaqtastarynyń qarsy áreketterinen parlamenttiń bas depýtaty, jeti qyzmetkeri zardap shekti. «Biz jasaǵan isimiz úshin tarıhı jaýapkershilikti óz moınymyzǵa alamyz, - dedi Rıvero. - Bizden azyq-túlikti jasyratyndarǵa, lańkestik uıymdastyratyndarǵa, halyqqa qarsy shyǵatyndarǵa narazylyq bildiremiz». Júrgizýshiniń aıtýynsha, shabýyl jasaýǵa eshkim ókimdik etpegen. Olar óz betterinshe áreket etken.
Ulttyq assambleıa depýtattary men qyzmetkerleri basqarýshynyń jaqtastary birneshe saǵatqa qorshap alǵan parlament ǵımaratynan bitindep shyǵyp ketkeni atap ótiledi.
