Telejúrgizýshi G.Álimgereı Qazaqstan hanymy atandy
ASTANA. Qyrkúıektiń 17-si. QazAqparat - Keshe Almatydaǵy Qazaqstan qonaq úıinde ótken «Qazaqstan hanymy» baıqaýyna elimizdiń elordasy atynan qatysqan «Qazaqstan» arnasynyń telejúrgizýshisi Gúlnáz Álimgereı bas júldeni oljalady.
Respýblıkanyń ár óńirinen jınalǵan 15 kelinshektiń arasynan úzdik shyqqan ol kelesi jyly Seýlde ótetin «Álem hanymy - 2011» baıqaýynda elimizdiń atynan synǵa túsetin bolady.
Aıta keteıik, «Álem hanymy» baıqaýy turmysqa shyqqan, jasy 30-ǵa tolmaǵan kelinshekterge arnalǵan jalǵyz saıys. 30 jyldan astam ýaqyt boıy ótkizilip kele jatqan baıqaýǵa álemniń 80-nen astam ókili qatysyp, baq synaıdy. 2008 jyly bul dodaǵa elimizdiń atynan «Qazaqstan hanymy» baıqaýynyń alǵashqy jeńimpazy, telejúrgizýshi Dınara Sátjanova qatysqan bolatyn.
Baıqaý uıymdastyrýshylary - Qazaqstan Respýblıkasy Prezıdentiniń janyndaǵy Otbasy jáne áıelder isi jónindegi ulttyq komıssııasy jáne «Sezon» shyǵarmashylyq birlestigi qatysýshylarǵa birneshe týr daıyndady.
