Televıktorına qyzmetkerleri telefon alaıaqtyǵyna jol berdi degen kúdikke alyndy
ASTANA. QazAqparat - Máskeýde «Sportmanııa» televızııalyq vıktorınasynyń qyzmetkerleri telefondyq alaıaqtyqqa qatysty degen kúdikke alynyp otyr, dep habarlady ITAR-TASS.
Sońǵy kezderi ekonomıkalyq qaýipsizdik pen jemqorlyqqa qarsy basqarmasyna azamattardyń quqyǵyn buzýshylyqtary týraly kóptegen aryzdar túsýde. Alaıaqtyqtar kelesideı jumys istegen. Telekórermender baǵdarlamada kórsetilgen nómirge telefon soǵyp, baılanysqa qosylǵannan keıin operator olardan efırge qosylyp, telejúrgizýshiniń jaýabyn alǵansha kúte turýdy usynyp otyrǵan. Osylaı árbir 5-10 mınýt saıyn jalǵasa bergen. Alaıda uzaq kútken telekórermen aqyry baǵdarlama efırimen qosyla almaı, baılanys úzile bergen. Saldarynan abonenttiń esebinen barlyq aqshasy alynyp otyrǵan, al artyq shyǵyn qaryzǵa sanalǵan. Operatıvtik qyzmetkerler tekseris júrgizgen, onyń barysynda atalǵan faktiler rastalǵan. «Sportmanııa» stýdııasyna túsken qońyraýlar qyzmetkerlermen paıda tabý maqsatynda tejelip otyrǵan. Al tikeleı efırge shyǵatyn qońyraýlardy qyzmetkerlerdiń ózderi stýdııadaǵy telefonnan shalyp otyrǵan. Osylaısha, olar telekórermenderdi aldap soqqan. Polıtsııa alaıaqtyqqa qatysty qylmystyq is qozǵady.
