Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalary bekitildi

***

Qazaqtan Respýblıkasy Úkimetiniń qaýlysy №1198

2012 jylǵy 14 qyrkúıek  Astana, Úkimet Úıi

Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalaryn bekitý týraly

«Teleradıo habarlaryn taratý týraly» Qazaqstan Respýblıkasynyń 2012 jylǵy 18qańtardaǵy Zańynyń 6-babynyń 8) tarmaqshasyna sáıkes Qazaqstan Respýblıkasynyń Úkimeti qaýly etedi:

1. Qosa berilip otyrǵan Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalary bekitilsin.

2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Premer-Mınıstri K.MÁSІMOV. 

Qazaqstan Respýblıkasy Úkimetiniń 2012 jylǵy «14» qyrkúıektegi №1198 qaýlysymen bekitilgen

Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalary

1. Jalpy erejeler

1. «Teleradıo habarlaryn taratý týraly» Qazaqstan Respýblıkasynyń 2012 jylǵy 18 qańtardaǵy Zańynyń 6-babynyń 8) tarmaqshasyna sáıkes ázirlengen Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalary (budan ári - Qaǵıdalar) teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý tártibin aıqyndaıdy.

2. Teleradıo habarlaryn taratý maqsaty úshin jıilikter beldeýlerin, radıojıilikterdi (radıojıilik arnalaryn) bólý jeke jáne zańdy tulǵalar (budan ári - úmitker) arasynda júzege asyrylady.

2. Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý tártibi

3. Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý jónindegi konkýrs (budan ári - konkýrs) ótkizý arqyly júzege asyrylady.

4. Konkýrsqa qatysýǵa úmitkerlerdiń ótinimderin qaraýdy jáne jeńimpazdardy aıqyndaý jóninde usynymdar ázirleýdi Qazaqstan Respýblıkasynyń Úkimeti qurǵan Qazaqstan Respýblıkasynda Teleradıo habarlaryn taratýdy damytý máseleleri jónindegi komıssııa (budan ári - komıssııa) júzege asyrady.

5. Komıssııanyń jumys organy bolyp tabylatyn Qazaqstan Respýblıkasy Mádenıet jáne aqparat mınıstrliginiń Aqparat jáne muraǵat komıteti konkýrsty ótkizýdi uıymdastyrýshy (budan ári - uıymdastyrýshy) retinde áreket etedi.

6. Konkýrsty ótkizý týraly sheshimdi uıymdastyrýshy qabyldaıdy.

7. Konkýrsty ótkizý týraly aqparattyq habarlama onyń ótkizilýine keminde otyz jumys kúni qalǵanda buqaralyq aqparat quraldarynda jáne Qazaqstan Respýblıkasy Mádenıet jáne aqparat mınıstrliginiń www.mki.gov.kz ınternet-resýrsyna jarııalanady.

Aqparattyq habarlama mynadaı málimetterdi qamtıdy:

1) konkýrsty ótkizý ýaqyty, kúni men orny;

2) eldi mekenniń (aýmaqtyń) ataýyn kórsete otyryp, teleradıo habarlaryn taratý maqsaty úshin jıilikterdiń beldeýleri, radıojıilikter (radıojıilik arnalary) jáne olardy paıdalaný sharttary týraly málimetter;

3) ótinimderdi qabyldaý jáne qujattardy alý orny, jıiliktiń naqty nomınalyn paıdalaný boıynsha tehnıkalyq, qarjylyq jáne ózge de talaptar jáne konkýrs týraly basqa da qosymsha aqparat, ótinimderdi qabyldaýdy bastaý men aıaqtaý merzimderin jáne konkýrsqa qatysý úshin qajetti qujattardyń tizbesi.

8. Konkýrsqa qatysýǵa ýaqytynda ótinim bergen jáne osy Qaǵıdalarǵa sáıkes resimdelgen qujattardy tıisinshe túrde usynǵan úmitkerler jiberiledi.

9. Úmitkerdiń konkýrsqa qatysýǵa bergen ótinimi onyń osy Qaǵıdalarda belgilengen jáne konkýrsty ótkizý týraly aqparattyq habarlamada jarııalanǵan sharttarda konkýrsqa qatysýǵa nıetin bildiredi.

10. Konkýrsqa qatysýǵa úmitkerler osy Qaǵıdalardyń kez kelgen tarmaǵy boıynsha uıymdastyrýshyǵa qajetti túsinikteme úshin júgine alady.

11. Tirkelgen ótinim keri qaıtarylyp alynǵan jaǵdaıda, úmitker uıymdastyrýshyǵa jazbasha túrde habarlama joldaıdy.

12. Konkýrsqa qatysýǵa tapsyrys berýdi úmitkerdiń atynan qatysýǵa quqyq berýdi rastaıtyn tıisti turǵyda resimdelgen senimhatty kórsetý arqyly úmitkerdiń ókili júzege asyrady.

13. Konkýrs ótkizý týraly aqparattyq habarlamada kórsetilgen ótinim qabyldaý merzimi aıaqtalǵannan keıin qosymsha qujattarymen birge kelip túsken ótinimder qabyldanbaıdy.

Sebepterin kórsete otyryp, ótinimdi qabyldaýdan bas tartý týraly belgini qujat qabyldaýdy júzege asyrǵan tulǵa usynylǵan qujattarǵa qoıady.

14. Uıymdastyrýshy úmitkerlerdiń konkýrsqa qatysýǵa usynǵan ótinimderi men olarǵa qosa tirkelgen qujattardyń, sondaı-aq ótinim bergen tulǵalar men olar usynǵan qujattardyń mazmuny týraly qupııalylyqtyń saqtalýyn qamtamasyz etý jóninde sharalar qabyldaıdy.

15. Úmitker konkýrsqa qatysý úshin osy Qaǵıdalardyń 1- qosymshasyna sáıkes ótinim beredi.

16. Ótinimge osy Qaǵıdalardyń 2-qosymshasyna sáıkes qujattar qosa beriledi.

17. Osy Qaǵıdalardyń 1 jáne 2-qosymshalarynda kórsetilgen qujattar tigilgen, betteri nómirlengen jáne sońǵy beti onyń qolymen jáne mórimen (jeke tulǵa úshin, eger bolsa) kýálandyrylǵan kúıinde japsyrylǵan konvertte uıymdastyrýshynyń mekenjaıyna jiberedi.

18. Komıssııa Konkýrsty ótkizý týraly aqparattyq baǵdarlamada kórsetilgen merzimde jáne orynda, úmitkerler men olardyń ókilderiniń qatysýymen ótinimder men basqa qujattar salynǵan konvertterdi ashady.

19. Eger usynylǵan qujattar osy Qaǵıdalarda kózdelgen talaptarǵa saı kelmegen jaǵdaıda úmitker konkýrsqa qatysýǵa jiberilmeıdi.

20. Uıymdastyrýshy konvertterdi ashý hattamasyn eki jumys kúni ishinde jasaıdy.

Konvertterdi ashý hattamasyna Komıssııa tóraǵasy, komıssııanyń qatysyp otyrǵan músheleri jáne Komıssııa hatshysy qol qoıady.

21. Komıssııa usynylǵan ótinimder men basqa da qujattardy qarap, konvert ashylǵan kúnnen bastap on jumys kúninen aspaıtyn merzimde konkýrs qorytyndysyn shyǵarady.

22. Úmitkerlerdiń ótinimderin qaraý, sondaı-aq konkýrs jeńimpazyn aıqyndaý jóninde usynymdar ázirleý, konkýrsty ótkizý týraly aqparattyq habarlamada kórsetilgen teleradıo habarlaryn taratý maqsatyna arnalǵan jıiliktiń, radıojıiliktiń,(radıojıiliktegi arnalardyń) árbir jolaǵy boıynsha júzege asyrylady.

23. Teleradıo habarlaryn taratý maqsaty úshin jıiliktiń, radıojıiliktiń (radıojıilik arnalarynyń) árbir jeke jolaǵyna qatysty konkýrsqa qatysýǵa tek bir úmitker jiberiletin bolsa, ol ótkizilmedi dep sanalady.

Úmitkerdiń jáne (nemese) onyń ýákiletti ókiliniń Komıssııa otyrystaryna qatyspaýy sebebinen konkýrstyq ótinishten bas tartýǵa jol berilmeıdi.

24. Konkýrs boıynsha sheshimder ashyq daýys berý arqyly qabyldanady jáne olarǵa qatysyp otyrǵan Komıssııa músheleriniń jalpy sanynyń kópshiligi daýys bergen bolsa, qabyldandy dep sanalady. Daýystar teń bolǵan jaǵdaıda, tóraǵalyq etýshiniń daýysy sheshýshi bolyp sanalady.

Konkýrs boıynsha sheshim qabyldaý kezinde Komıssııa mynadaı ólshemderdi basshylyqqa alady:

qarjylyq usynystar (boljamdy qarjylandyrý kózderiniń bolýy, josparlanǵan shyǵyndar men kiristerdiń oń teńgerimi);

tehnıkalyq usynystar (halyqtyń basym bóligin qamtýǵa múmkindik beretin aqparattyq habarlamada kórsetilgen naqty jıilik nomınalyn qoldaný jónindegi tehnıkalyq talaptarǵa sáıkes keletin jabdyqtyń bolýy);

shyǵarmashylyq usynystar (retranslıatsııalanatyn tele-, radıoarnalardyń sany, olardyń taqyryptyq baǵytynyń ár alýandyǵy).

25. Konkýrs qorytyndylary Komıssııa konkýrs boıynsha sheshim qabyldaǵan kúni otyrysta jarııalanady, Komıssııa tóraǵasy men músheleri qol qoıatyn hattamamen resimdeledi jáne eki jumys kúni ishinde Qazaqstan Respýblıkasy Mádenıet jáne aqparat mınıstrliginiń www.mki.gov.kz ınternet-resýrsyna ornalastyrylady.

__________________

Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý qaǵıdalaryna

 1-qosymsha

Qazaqstan Respýblıkasy Teleradıo habarlaryn taratýdy damytý máseleleri jónindegi komıssııa tóraǵasyna

Teleradıo habarlaryn taratý maqsaty úshin jıilikterdiń beldeýlerin, radıojıilikterdi (radıojıilik arnalaryn) bólý boıynsha konkýrsqa qatysýǵa ótinim

Jalpy málimetter:

1. Zańdy tulǵanyń tolyq ataýy/jeke tulǵanyń T.A.Á.

______________________________________________________________

2. Zańdy mekenjaıy:____________________________________________

3. Telefondardyń, faksterdiń nómirleri:

______________________________________________________________

4. Konkýrstyq habarlandyrýǵa sáıkes paıdalaný josparlanǵan jıilik nomınaly:

______________________________________________________________

5. Konkýrstyq habarlandyrýǵa sáıkes taratýshy stantsııanyń qýaty, Vt: ______________________________________________________________

6. Taratýshy stantsııanyń ornatylý pýnkti

______________________________________________________________

7. Josparlanǵan retranslıatsııalanatyn telearnalar tizbesiniń ataýy ______________________________________________________________

8. Habar taratýǵa quqyq alýynan bastap, qyzmet kórsetýdiń kepildik merzimi:

______________________________________________________________

9. Tele-,radıoarnalarmen halyqty qamtýdyń josparlanǵan kólemi:

______________________________________________________________

Qosa berilgen qujattar

1.______________________________________

2.______________________________________

3.______________________________________

Birinshi basshynyń/dara kásipkerdiń qoly

M.O. 201 ___ j. «___» _________

Teleradıo habarlaryn taratý maqsaty

úshin jıilikterdiń beldeýlerin,

 radıojıilikterdi (radıojıilik

arnalaryn) bólý qaǵıdalaryna

2-qosymsha

Úmitkerlerdiń konkýrstyq usynystary

Ótinimge mynadaı qujattar qosa usynylady:

1) notarıaldy túrde kýálandandyrylǵan mynadaı qujattardyń kóshirmeleri:

zańdy tulǵa úshin - memlekettik tirkeý (qaıta tirkeý) týraly kýálik;

jeke tulǵa úshin - jeke basyn jáne kásipkerlik qyzmetpen aınalysýǵa quqyq berýdi rastaıtyn qujattar;

2) tele-, radıoarnalardyń qamtý aımaǵynyń shekaralary túsirilgen jáne radıohabarlaý jabdyǵynyń ornalasqan ornyn kórsetilgen boljamdy qyzmet kórsetý aýmaǵynyń jergilikti jeriniń kartasy;

3) mynadaı málimetter kórsetilgen túsindirme jazba:

televızııalyq sıgnaldyń (bir sóıleý, kóp sóıleý) dybystyq súıemeldeý túri;

tele-, radıoarnalardy taratý úshin josparlanatyn jabdyqtardyń bolýy, sıpattamalary, jaı-kúıi jáne túri týraly aqparat;

bilikti tehnıkalyq personaldyń bolýy (dıplomdar men eńbek kitapshalarynyń kóshirmelerin qosa);

boljamdy qarjylandyrý kózderi, josparlanǵan shyǵyndar men kirister, jobanyń ótelý merzimi;

4) tele-, radıoarnalardy taratý standartynyń oryndalýy týraly mindetteme;

5) arnanyń ortasha aqparattyq jyldamdyǵyn jáne josparlanǵan habar taratý sapasynyń standarttaryn ustap turý týraly mindetteme;

6) teleradıo habarlaryn taratý jelilerin uıymdastyrý nemese bir baǵdarlamalyq habar taratý shemasy;

7) spýtnıktik baılanys arnalary paıdalanylǵan jaǵdaıda, qosymsha:

paıdalanylatyn jerdiń jasandy spýtnıkteriniń ataýy, ornalasqan jeri jáne tıesiligi (spýtnıktik operator), olardyń ornalasý núktesi, qyzmet kórsetý aımaǵy;

spýtnıktik operatorǵa berilgen jelide qoldanylatyn qabyldaǵysh-taratqysh spýtnıktik stantsııalarynyń transmıssııalyq josparlarynyń kóshirmesi;

jıilikterdiń alatyn beldeýleri (paıdalanylatyn spýtnıktik resýrs mólsheri);

8) radıostantsılar úshin qosymsha shyǵarmashylyq usynystar:

radıoarnanyń habar taratý kestesi (keıingi aıǵa);

mynadaı málimetterdi qamtıtyn aqparat:

radıoarnanyń taqyryptyq baǵyttalýy;

habar taratýdyń tildik araqatynasy, memlekettik tildegi radıobaǵdarmalardy translıatsııalaý ýaqyty;

menshiktik radıobaǵdarlamalardyń, satyp alynatyn radıobaǵdarlamalar men retraslıatsııalardyń araqatynasy.