Teleoperator 10 dúrkin álem chempıony Ýseın Boltty segveımen qaǵyp ketti
ASTANA. QazAqparat - Ataqty sportshy Ýseın Bolt 200 metr qashyqtyqqa júgirýden 10-ynshy ret álem chempıony atandy. Jeńisin toılap jatqanda ony teleoperator sıgveımen qaǵyp ketti.
Oqys oqıǵa túsirilgen vıdeo jelide paıda boldy. Jazbada Boltty art jaǵynan sıgveıde operatordyń túsirip jatqany, alaıda onyń kóliktik quraly stadıon qurylymyna soǵylyp, operator qulap, sportshyny da qosa ala ketkeni kórsetilgen.
Abyroı bolǵanda, sportshy jaraqattanǵan joq, daý da shyqpady. Mirror basylymy habarlaǵandaı, Ýseın Bolt «óltire jazdady» dep qaljyńdap ta úlgergen.
Jeńil atletıkadan álem chempıonatynda Ýseın Bolt 200 metr qashyqtyqty maýsymdaǵy úzdik nátıje - 19,55 sekýndta júgirip ótti.
