Telekommýnıkatsııa naryǵyndaǵy kásiporyndardyń tutas kirisi byltyr 8,3 paıyzǵa ulǵaıdy -Baqytjan Bıtemirov
ALMATY. Naýryzdyń 19-y. QazAqparat /Erlik Erjanuly/ - Telekommýnıkatsııa naryǵyndaǵy kásiporyndardyń kirisi byltyr 441,3 mıllıard teńgege jetti.
Bul týraly búgin Almatyda ótip jatqan «Software Engineering Summit-2010 Qazaqstan» forýmynda aıtyldy, dep habarlaıdy QazAqparat.
«Telekommýnıkatsııa salasy Qazaqstan ekonomıkasynyń damýshy sektory sanalady. Byltyr aldyńǵy jylǵa qaraǵanda kásiporyndardyń tutas kirisi 8,3 paıyzǵa ulǵaıdy. Kiris qurylymynyń basym bóligi mobıldi baılanys qyzmetiniń úlesine tıedi. Onda kiris 237,9 mıllıard teńgeni nemese 54 paıyzdy quraıdy. Odan keıingi oryndarda qalaaralyq jáne halyqaralyq baılanys 52,1 mıllıard teńge (11,8 paıyz), ınternet qyzmeti - 42,6 mıllıard teńge (9,6 paıyz) jáne jergilikti telefon baılanysy - 30,9 mıllıard teńge (7 paıyz). Al ózge baılanys qyzmetteri 65,4 mıllıard teńgeni nemese 6,1 paıyz», deıdi Indýstrııa jáne jańa tehnologııalar mınıstrliginiń Damýshy salalar departamentiniń joǵary tehnologııa salasy basqarmasynyń bastyǵy Baqytjan Bıtemirov. Onyń aıtýynsha, 2009 jyly belgilengen baılanys naryǵyndaǵy abonentterdiń sany 3,7 mıllıon adamdy qurady. Mobıldi baılanys abonentteriniń sany 14,9 mıllıon bop, 100 turǵynǵa shaqqanda abonentter jıiligi 95,5-ke jetti. Ǵalamtor jelisindegi abonentter sany baılanys operatorlarynyń esebi boıynsha 5,1 mıllıonnan asty ıaǵnı, 100 turǵynǵa shaqqanda 32-ni qurap otyr.
