Telegram jelisinde jańa fýnktsııalar paıda boldy

NUR-SULTAN. QazAqparat – Telegram messendjeri kez-kelgen chattaǵy habarlamalardy avtomatty túrde joıý fýnktsııasyn, sonymen qatar toptar men kanaldarǵa shaqyrýǵa arnalǵan ýaqytsha siltemelerdi engizedi, dep habarlaıdy QazAqparat Telegram resmı blogyna silteme jasap.

Telegram-da kez-kelgen chattaǵy habarlamalardy avtomatty túrde joıý, toptar men kanaldarǵa shaqyrýǵa arnalǵan ýaqytsha siltemeler, sonymen qatar telefonnyń negizgi ekranynan chattarǵa jyldam qol jetkizýge arnalǵan vıdjetter paıda boldy. Sondaı-aq, qazir toptaǵy qatysýshylar sanyna shekteý joq», - delingen habarlamada.

Jańa fýnktsııa barlyq chat qatysýshylary úshin habarlamalardy avtomatty túrde joıý fýnktsııasyn oryndaǵannan keıin 24 saǵat nemese jeti kún ishinde baptaýǵa múmkindik beredi.

Buryn avtomatty túrde joıý múmkindigi tek qupııa chattarda ǵana bolatyn.