Telegram syılyq alýǵa arnalǵan aýktsıondaryn iske qosty
ASTANA. KAZINFORM — Telegram sessendjeri qoldanba ishindegi syılyqtar boıynsha aýktsıon ótkizý tetigin iske qosty. Bul týraly messendjerdiń negizin qalaýshylardyń biri Pavel Dýrov habarlady, dep jazdy TASS.
Alǵashqy testilik aýktsıon Telegram Plane eksklıýzıvti syılyǵymen ótti. Endi kompanııa tanymal tulǵalardyń syılyqtarymen túrli aýktsıon uıymdastyrýdy josparlap otyr.
Alǵashqy aýktsıon 15 qarashada bastaldy jáne ol 50 raýndqa sozylady. Ár raýndta birinshi oryndy alǵan 20 qatysýshy Telegram Plane syılyǵynan 20 danadan alady. Alǵashqy raýnd bir saǵatqa sozyldy, al qalǵan 49 raýndtyń árqaısysy bes mınýttan ótedi.
Sonymen qatar Telegram-nyń Android úshin 12.2.1 nusqasynda jeke profılderden strım júrgizý múmkindigi paıda boldy. Translıatsııalar «storıs» formatyna uqsas, kórermender «juldyz» túrinde baǵalanatyn pikir qaldyra alady. Sondaı-aq strımdi basqa qosymshadan da júrgizý múmkin, ol úshin server siltemesi men translıatsııa kiltin engizý jetkilikti.
Aıta keteıik, buǵan deıin Memleket basshysy Pavel Dýrovty qabyldaǵanyn jáne Telegram resmı túrde Ortalyq Azııadaǵy jetekshi ınnovatsııalyq klaster – Astana Hub qatysýshysy mártebesin alǵanyn jazdyq.
Buǵan deıin Qazaqstanda memlekettik organdar ishki kommýnıkatsııalarynda ulttyq messendjer Aitu-ǵa kezeń-kezeńmen kóshe bastaǵany habarlanǵan edi.
Sondaı-aq Tsıfrlyq damý mınıstrligi jeke maqsatta sheteldik servısterdi qoldanýǵa esh tyıym salynbaıtynyn habarlady.