Telegram shildede storıs formatyn iske qosady

MÁSKEÝ. QazAqparat – Telegram messendjeri shilde aıynan bastap qysqa oqıǵalar fýnktsııasy – storısti iske qosady, dep habarlaıdy QazAqparat TASS agenttigine silteme jasap.

Messendjerdiń negizin qalaýshy Pavel Dýrovtyń aıtýynsha, qazir formatty testileý aıaqtalyp jatyr. Paıdalanýshylar úshin fýnktsııa shilde aıynyń basynda qoljetimdi bolady.

Paıdalanýshylar storısti kim kóre alatynyn tańdaı alady jáne ol chat tiziminiń joǵarǵy jaǵyndaǵy bólimge ornalastyrylady. Sondaı-aq, ony «Kontaktiler» bólimindegi arnaıy «Jasyryn» tizimde jasyrýǵa bolady.

Storıste foto, vıdeo jáne jazbalardy óńdep, basqa adamdardy belgileýge bolady. Buǵan qosa, Telegram smartfonnyń aldyńǵy jáne negizgi kameralary túsirgen fotolar men beınelerdi bir ýaqytta jarııalaı alady.

Sondaı-aq, paıdalanýshylar storıs ýaqytyn 6, 12, 24 nemese 48 saǵatqa deıin uzarta alady nemese óz profılinde turaqty túrde kórsete alady.