Telegram Reseıde eń tanymal messendjerge aınaldy
ASTANA. KAZINFORM — Belgili bir shekteýler engizilgenine qaramastan, Telegram 2026 jyldyń qańtarynda Reseıde eń tanymal messendjerge aınaldy. Paıdalanýshylar sany boıynsha bul jeli buryn buǵattalǵan WhatsApp-ty basyp ozdy.
Okkam analıtıkteri Mediascope-qa silteme jasaı otyryp, jańa jyldyń alǵashqy aıynda Telegram-nyń belsendi aýdıtorııasy 95,9 mıllıon adamǵa jetkenin habarlady. Bul týraly Forbes Russia jazdy. Osy kezeńde WhatsApp paıdalanýshylary 89,4 mıllıondy qurady.
Roskomnadzor aqpan aıynda shekteýlerdi kúsheıtkennen keıin, Pavel Dýrov negizin qalaǵan jeliniń jazylýshylar sany 286 000-ǵa azaıdy. WhatsApp-tyń tómendeýi aıqynyraq baıqalady: aýdıtorııa bir aıda 9,1 mıllıonǵa azaıdy.
Reseıdegi memleket qoldaıtyn VK korporatsııasyna tıesili Max messendjeri úshinshi orynda. Aqpan aıynda bul platformany paıdalanýshylar sany 73,7 mıllıonnan 77,5 mıllıonǵa deıin ósti.
Sarapshylardyń pikirinshe, Telegram belsendiligin baıaýlatý úshin qabyldanǵan sharalar messendjerdiń qamtý aımaǵyna aıtarlyqtaı áser etken joq. ıAǵnı, bul jelini paıdalanýshylar sany tek 2%-ǵa azaıdy.
Aıtpaqshy, osy jyldyń 1 sáýirinen bastap Reseıde Telegram-ǵa tolyǵymen tyıym salynýy múmkin. Keıbir erekshelikter tek Ýkraınadaǵy áskerı operatsııalar aımaǵynda baılanysty úılestirý úshin ǵana qalady dep kútilýde. Eger mundaı sheshim qabyldansa, paıdalanýshylardyń jergilikti Max messendjerine aýysýy jedeldetilýi múmkin.
Eske sala keteıik, Telegram jasandy ıntellektige negizdelgen jańa múmkindikti iske qosty.