Telegram Ońtústik Koreıa elinen keshirim surady

ASTANA. KAZINFORM – Telegram Ońtústik Koreıa elinen pornografııalyq materıaldardyń taralýyna tosqaýyl qoımaǵany úshin keshirim surady. 

«Telegram Ońtústik Koreıadaǵy tergeý aıasynda óz platformasynda pornografııalyq materıaldardyń taralýyn toqtata almaǵany úshin keshirim surady. Bul Ońtústik Koreıa polıtsııasy Telegram-ǵa shıfrlanǵan habar almasý platformasynda jasandy ıntellekt arqyly jasalǵan jasóspirimderdiń ashyq sýretterimen qosa dıpfeık dep atalatyn pornonyń taralýyna «kómektesti» dep taǵylǵan aıyppen baılanysty», - delingen habarlamada.

Buǵan deıin Ońtústik Koreıa Telegram-ǵa qarsy tergeý júrgizip jatqany týraly habarlaǵan edik. 

Dıpfeık-porno jasandy ıntellekt tehnologııasyn qoldana otyryp, adamdardyń bet-álpeti basqa pornografııalyq sýretterge nemese beınelerge tsıfrlyq túrde ornalastyrylatyn ashyq mazmundy qamtıdy.

Eske sala keteıik, Reseıden shyqqan mıllıarder, Telegram negizin qalaýshy Pavel Dýrov keshe Parıj mańyndaǵy Le-Býrje áýejaıynda ustaldy. Onyń janynda qurbysy jáne oqqaǵary bolǵan.  

Araǵa ýaqyt salyp Telegram Pavel Dýrovtyń ustalýyna baılanysty málimdeme jasady. 

Aıta ketsek, P. Dýrovtyń qamaýǵa alynýy Telegram reıtıngisin jaqsartty.