Telegram negizin qalaýshy Pavel Dýrovtyń TikTok-tegi akkaýnty buǵattaldy
ASTANA. KAZINFORM — Telegram messendjeriniń negizin qalaýshy Pavel Dýrovtyń TikTok áleýmettik jelisindegi akkaýnty buǵattalǵany týraly «Dýrovtyń kody» habarlady. Bul týraly 24 kg jazdy.
Buǵattalǵanǵa deıin akkaýntqa shamamen 156 myń qoldanýshy jazylsa kerek. Akkaýntty shekteý sebepteri naqty kórsetilmegen.
Eske salsaq, qańtar aıynda TikTok AQSh-ta birlesken kásiporyn quratynyn jarııalaǵan edi. Sol arqyly kásiporynnyń baqylaýshy paketi paıdalanýshylardyń derekterin qorǵaý maqsatynda birneshe iri amerıkandyq kompanııaǵa berildi.
Burynǵy AQSh prezıdenti Djo Baıden TikTok-ty jabýǵa qatysty zańǵa qol qoıǵannan keıin platforma jabylý qaýpi tóngen bolatyn. Zańǵa sáıkes, kompanııanyń qojaıyny Qytaıdaǵy ByteDance AQSh-taǵy bólimin satpasa, áleýmettik jelige tyıym salynýy múmkin. Baıdennen keıin bılikke kelgen Donald Tramp ByteDance AQSh bıznesin satýǵa berilgen merzimdi birneshe ret 90 kúnge uzartqan edi.
Buǵan deıin Pavel Dýrov Google men Amazon-ǵa balama bolatyn Cocoon kompanııasyn iske qosqan edi.