Telegram-da jańa fýnktsııa paıda boldy

ASTANA. KAZINFORM -  Endi Telegram-da bir rettik daýystyq jáne beıne habarlamalardy jazýǵa bolady. Bul týraly Rıa Novostı saıty jazdy.

Telegram qosymshasy qoldanýshylaryna birqatar múmkindikterdi jańartty. Qosymshany paıdalanýshylar endi bir rettik daýystyq jáne beıne habarlamalardy jaza alady.

Sondaı-aq, paıdalanýshylar jazý kezinde beıne nemese aýdıo habarlamalardy kidirtýge, sodan keıin ony jibermes buryn jalǵastyrýǵa da múmkindik aldy.

Jeltoqsan aıynyń basynda Telegram qońyraýlarǵa jańa anımatsııalar men túrli-tústi fondar qosty, olar qoldaný barysynda ózgeredi: qońyraý kezinde, sóılesý kezinde jáne aıaqtalǵannan keıin.

Sonymen qatar, messendjer ázirleýshilerge qarapaıym chatbottar men shaǵyn qoldanbalardy ekojúıege engizýge múmkindik beretin tegin bot qurý platformasyn jaqsartty. Mysaly, bottar habarlamalarǵa reaktsııalar jibere alady, dáıeksózder men siltemelerdi basqara alady, basqa chattarǵa da qosa jaýap berýge múmkindik bar.