Telegram-da paıdalanýshylardyń jasyn tekserýge arnalǵan resmı bot iske qosyldy
ASTANA. KAZINFORM — Endi Telegram messendjerinde paıdalanýshylardyń jasyn tekserýge múmkindik bar. Bul týraly AZƏRTAC jazdy.
Bet-álpetti tanýǵa arnalǵan bot mını-qosymsha platformasynda jasalǵan jáne Telegram komandasynan resmı verıfıkatsııa alǵan. Ol sondaı-aq bet-álpetti skanerleý fýnktsııasyn qamtıdy.
Bul fýnktsııany jeke túrde iske qosýǵa bolady, biraq kóbine ol baptaýlar máziri arqyly iske qosylady. Qazirgi tańda bul múmkindik tek zańmen talap etiletin elderde ǵana qoljetimdi bolady. Telegram bul úshin úshinshi tarap qyzmetterine júginbeı, óz tehnologııalaryn qoldanady.
Messendjer sýrettiń qurylǵyda qalatynyna, serverde saqtalmaıtynyna jáne derekterdiń úshinshi tulǵalarǵa berilmeıtinine kepildik beredi.
Aıta keteıik, Telegram alǵash ret 540 mıllıon dollar paıdaǵa keneldi.