Telegram-arnasy arqyly veıp satqan top ustaldy
ALMATY. KAZINFORM — QMA Almaty qalasy boıynsha departamenti elektrondyq tutyný júıeleri (veıpter), dámqosqyshtar men olarǵa arnalǵan suıyqtyqtardyń zańsyz aınalymymen aınalysqan toptyń qyzmetin toqtatty.
Tyıym salynǵan ónimdi satý Telegram messendjerinde «ESCOBAR OPTOM» ataýymen júrgizilip, kýrer arqyly jetkizilip otyrǵan.
Jedel-tergeý is-sharalarynyń nátıjesinde qoımalar men satý núkteleri anyqtaldy.
— Tintý barysynda 150 myńnan astam veıp tárkilendi, olardyń satylymynan túsetin tabys 1 mlrd teńgeden asyp ketýi múmkin edi. Bul ónimder kámeletke tolmaǵandar, sonyń ishinde mektep oqýshylary arasynda keńinen taratylǵan. Kóleńkeli bıznestiń uıymdastyrýshylary elektrondy sıgaretterdi ádeıi jasóspirimderge jetkizip, olardyń densaýlyǵyna aıtarlyqtaı qaýip tóndirgen, — delingen QMA habarlamasynda.
QPK-niń 201-babyna sáıkes ózge aqparat jarııa etýge jatpaıdy.
Aıta ketelik elimizde veıp jáne basqa nıkotın quramdas buıymdarǵa qarsy kúres sharalary kúsheıtilgen edi.