Telegram arqyly zeınetaqy jınaqtary týraly málimet alýǵa bolady

ALMATY. QazAqparat- Biryńǵaı jınaqtaýshy zeınetaqy qory Telegram jelisinde óz operatsııa júıesin iske qosty. Munyń kómegimen jeli qoldanýshylary birqatar qyzmetterdi yńǵaıly paıdalana alady, dep habarlaıdy QazAqparat tilshisi BJZQ baspasóz qyzmetine silteme jasap.

Telegram- bot  arqyly  jeke zeınetaqy kóshirmesin alýǵa nemese ony jeke elektrondy pochtaǵa  jiberýge,  jeke kabınetke kirýge arnalǵan qupııa sózdi umytyp qalǵan jaǵdaıda  qaıta ornatýǵa bolady. Sondaı-aq, Telegram- bot  kómegimen Qor týraly jańalyqtar men málimetterdi alyp, jaqyn mańdaǵy bólimshelerin tabýǵa bolady.

«Budan bólek bot valıýta baǵamdarynyń aǵymdaǵy baǵasyn kórsetip, JQE buzǵany úshin aıyppul mólsherin anyqtaýǵa, BJZQ mobıldi qosymshasyn júkteý úshin silteme alýǵa bolady. Aldaǵy ýaqytta bottyń múmkinshiligin odan ári damytyp, barynsha paıdaly da yńǵaıly etýge kúsh salamyz»-dedi BJZQ baspasóz qyzmetinen.

Botty qoldaný úshin Telegram jelisindegi izdeý júıesine enpfbot dep teresiz. Birinshi qosylǵan kezde qoldanýshylarǵa tildi tańdaý usynylady. Memlekettik nemese orys tilin tańdaǵan soń, mázirge kezek beriledi. 

Eske salamyz, biraz buryn Qazaqstanda SMS-habarlama arqyly eń jıi suranystaǵy 4 qyzmetti alýǵa múmkindik beretin @EgovKzKenesBot Telegram-boty jumysyn bastaǵan edi. 

Avtory: Araılym Joldybaeva

Foto: futura.uz