Telegram arqyly Qazaqstanda esirtki satqan 56 akkaýnt anyqtaldy

NUR-SULTAN. QazAqparat – Telegram messendjeri esirtki tutynýdy nasıhattaǵan jáne olardy satyp kelgen 56 akkaýnt QR aýmaǵynda buǵattaldy, dep habarlaıdy QazAqparat.

Bul týraly Qazaqstannyń bas kólik prokýrory Ernat Sybanqulov málim etti.

«Kórsetilgen paraqshalarǵa jáne akkaýnttarǵa kirý Qazaqstan Respýblıkasynyń búkil aýmaǵynda erkin bolǵan. Sondaı-aq, el aýmaǵynda esirtki quraldary men prekýrsorlardy Qazaqstannyń iri qalalaryna jetkizip otyrǵan 4 sheteldik saıt jumys istep kelgen. Bul saıttardyń kámeletke tolmaǵandar arasynda tanymal jáne olarǵa qol jetimdi ekeni alańdatady», - dep jazdy Ernat Sybanqulov Facebook jelisinde.

Nátıjesinde, QR Kólik prokýratýrasynyń bastamasymen Aqparat jáne qoǵamdyq damý mınıstrliginiń Aqparat komıteti 56 akkaýnt-bottyń qyzmetin zańsyz dep tanyp, olardy buǵattaǵan.