Telefonyn alyp qoıǵan: ShQO-da anasyna ókpelegen bala úıinen qashyp ketti
ÓSKEMEN. QazAqparat – Óskemen polıtseıleri úıden qashyp ketken balany 1 saǵattyń ishinde tapty, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, áýelde áıel syrtqa shyǵyp ketken balasyn ózi taýyp almaq boldy. Biraq onysynan túk shyqpaǵandyqtan 15 qańtarda saǵat 11:30 shamasynda polıtsııaǵa qońyraý shalǵan.
Birden polıtsııa qyzmetkerleri balany izdeýge kiristi. Anyqtalǵandaı, 9 jastaǵy oqýshynyń úıden qashyp ketýine anasynyń odan uıaly telefondy alyp qoıǵany sebep bolǵan.
«Oǵan eskertý jasadym da telefondy alyp aldym. Sebebi balam smartfonnan bas almaı qoıdy. Únemi oıyn oınap, beınerolıkter kórip, dostarymen habarlama almasady. Bul onyń sabaq úlgerimine teris áser etýde», - dedi áıel.
Jedel áreket etken tártip saqshylary oqýshyny sýpermarketterdiń birinen tapty. Oǵan túsindirý jumystary júrgizildi. Qazir bala ata-anasymen birge.
