Telefonǵa myń teńge birlik salamyn dep 317 000 teńgesinen aıyryldy
ASTANA. QazAqparat - Aǵymdaǵy jyldyń 6 maýsymynda probatsııalyq baqylaýdaǵy sottalǵan A.Sameshev Atyraý oblysy boıynsha qylmystyq-atqarý júıesi departamentiniń aǵa ınspektory Sh.Telishevanyń uıaly telefonyna 1000 teńgege birlik salý arqyly jeke tulǵalardyń zańsyz materıaldyq syıaqy berýi túrindegi áreket jasaǵan.
Bul týraly QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentinen habarlandy.
Atalǵan fakti boıynsha Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentimen A.Sameshevke qatysty qujattar jınaqtalyp, 24.07.2017 jyly QR Ákimshilik quqyqbuzýshylyq týraly kodeksiniń 676 babymen (jeke tulǵalardyń zańsyz materıaldyq syıaqy berýi) ákimshilik is qozǵalyp, Atyraý qalasynyń mamandandyrylǵan ákimshilik sotyna joldandy.
Sottyń 02.08.2017 jylǵy qaýlysymen A.Sameshev QR ÁQBtK-niń 676 babymen kináli dep tanylyp, oǵan osy bappen QR ÁQBtK-niń 819 babynyń 2 bóligin qoldaný arqyly 200 aılyq eseptik kórsetkishtiń nemese 453 800 teńge aıyppuldyń jalpy somasynyń otyz paıyzynan aspaıtyndaı etip qysqartyp, 317 000 teńge aıyppul salyndy.
Sot qaýlysy zańdy kúshine engen joq.
