Telefon urlady degen kúdikpen Pavlodar áýejaıynyń úsh qyzmetkeri ustaldy
ALMATY. QazAqparat - Keshe Pavlodar stansasynyń ishki ister jelilik bóliminiń polıtseıleri uıaly telefon urlady degen kúdikpen Pavlodar qalalyq áýejaıynyń úsh qyzmetkerin ustady.
Bul týraly QR ІІM kóliktegi ІІD baspasóz qyzmeti habarlady.
Tergeý materıaldarynda belgili bolǵandaı, úsh er adam 20 tamyzda «Almaty-Pavlodar» reısimen kelgen jolaýshynyń bagajynan jalpy quny 99 myń teńge bolatyn 5 telefondy qoldy etken.
Qazir uıaly telefondar zattyq aıǵaq retinde tárkilenip alyndy.
Tergeý amaldary jalǵasýda. Kúdiktilerdiń ózge de qylmystarǵa qatystylyǵy tekserilip jatyr.
