Telefon lańkesteri bir ýaqytta Almaty oblysyna qarasty birqatar qalada bomba qoıylǵandyǵy týraly jalǵan aqparat taratty
ASTANA. Maýsymnyń 2-si. QazAqparat - Telefon lańkesteri bir ýaqytta Almaty oblysyna qarasty birqatar qalanyń halyqqa qyzmet kórsetý ortalyqtaryna bomba qoıylǵandyǵy týraly jalǵan aqparat taratty,
dep habarlady QR Tótenshe jaǵdaılar mınıstrliginiń baspasóz qyzmetinen.
Atap aıtqanda, maýsymnyń 1-i kúni keshki saǵat 22:05-te Taldyqorǵan qalalyq ishki ister departamentine bomba qoıylǵandyǵy týraly aqparat túsken. Habarlaýshynyń málimeti boıynsha, Táýelsizdik kóshesindegi 67/a úıde ornalasqan Halyqqa qyzmet kórsetý ortalyǵynyń ǵımaratyna jarylǵysh zat qoıylǵan.
Dál osyndaı aqparat sol kúni joǵarydaǵy oqıǵadan 5 mınýttan keıin Sarqand qalalyq ishki ister bólimine habarlanǵan.
Eki oqıǵaǵa qatysty jarylǵysh zattardy izdestirýge oraı ótkizilgen arnaıy is-sharalar barysynda aqparattardyń jalǵan ekendigi málim boldy.
