Telefon lańkesi Astanadaǵy bıznes-ortalyq pen bankti «mınalaǵan»
ASTANA. QazAqparat - Telefon lańkesi Astanadaǵy bıznes ortalyq pen bankti «mınalaǵan», dep habarlady Astana ІІD baspasóz qyzmeti.
«Aǵymdaǵy jyldyń 16 aqpanynda saǵat 15.32-de Astana qalasy ІІD Jedel basqarý ortalyǵyna, belgisiz er azamat Syǵanaq jáne Kenesary kósheleriniń boıyndaǵy ǵımarattarda jarylǵysh quraldarynyń ornalasqanyn habarlady», - delingen habarlamada.
Oqıǵa ornyna Іshki ister departamentiniń kúsh-quraldary, sondaı-aq osy sııaqty jaǵdaılarda jumyldyrylatyn basqa da arnaıy bólimsheler men qyzmetteri shuǵyl jetti.
Atalmysh fakt sotqa deıingi tergeýlerdiń biryńǵaı tirkeýine QR QK 273 babymen «Lańkestik aktisi boıynsha jalǵan habarlama týraly» tirkeldi.
Júrgizilgen tekseristiń nátıjesinde, jarylǵysh quraldar ǵımarattan tabylmady. Jarylǵysh quraly týraly habarlama jalǵan bolyp shyqty.
Jedel-izdestirý is-sharalarynyń barysynda polıtsııa qyzmetkerleri 41 jastaǵy Ońtústik Qazaqstan oblysynyń turǵynyn quryqtap, Astana qalasy ІІD Ýaqytsha oqshaýlaý abaqtysyna qamaldy.
Atalmysh fakt boıynsha tergeý jumystary júrgizilýde.
Odan basqa, kúdiktige banktiń, bıznes-ortalyqtyń, sonymen qatar jedel qyzmetterdiń jumys kestesin buzǵany úshin, sot sheshimimen, keltirgen zalaldyń somasyn óndirý máselesi sheshilýde.
QR QK atalmysh babynyń sanktsııasy 6 jylǵa deıin bas bostandyǵynan aıyrý jazasyn kózdeıdi.
