Telefon qońyraýy Premer-mınıstrdiń Úkimet otyrysynan shyǵyp ketýine sebep boldy

ASTANA. KAZINFORM — Búgin Úkimet otyrysynda Premer-mınıstr Oljas Bektenov otyrystan shyǵyp ketýge májbúr boldy.

Alqaly jıyndy ashqan Úkimet basshysy jańadan taǵaıyndalǵan Oqý-aǵartý mınıstrin ant qabyldaýǵa shaqyrǵan edi.

— Ózderińiz biletindeı, ótken aptada Memleket basshysynyń Jarlyǵymen Juldyz Súleımenova Oqý-aǵartý mınıstri bolyp taǵaıyndaldy. Jańa qyzmetińiz qutty bolsyn. Qazaqstan Respýblıkasynyń Úkimeti týraly konstıtýtsııalyq zańǵa sáıkes, Úkimettiń jańa múshesiniń ant berýin suraımyn, — dedi Úkimet basshysy.

Osy sátte Premer-mınıstrdiń aldynda turǵan aq telefon shyryldap qoıa berdi. Telefonmen sanaýly sekýnd sóılesken Úkimet basshysy syrtqa shyǵyp ketti.

Al mınıstr ant qabyldap ornyna otyrǵannan keıin Premer-mınıstrdiń birinshi orynbasary Roman Sklıar janynda otyrǵan vıtse-premer — Úkimet apparatynyń basshysy Ǵalymjan Qoıshybaevpen azdy-kem aqyldasyp, otyrysty jalǵastyrdy. Biraz ýaqyttan keıin Úkimet basshysy oralyp, otyrysty odan ary júrgizdi.

Budan buryn Úkimet otyrysynda Premer-mınıstr Oljas Bektenov áleýmettik medıtsınalyq saqtandyrý qorynyń bıznes-protsesterin jańǵyrtý baıaý júrip jatqanyn aıtty.