Telefon kabelderin úptep júrgen ury qolǵa tústi
ASTANA. QazAqparat - Elordalyq polıtseıler telefon kabelderin qoldy etip kelgen Astana turǵynyn ustady, dep habarlaıdy «QazAqparat» HAA tilshisi qalalyq ІІD baspasóz qyzmetine silteme jasap.
«Ústimizdegi jyldyń 11 naýryzy kúni Astana qalalyq ІІD Almaty aýdandyq ІІB krımınaldyq polıtsııa qyzmetkerleri jedel-izdestirý is-sharalaryn júrgizý barysynda tańǵy saǵat beste, turǵyn úılerdiń jertólelerinen telefon kabelderin urlap kelgen Aqmola oblysynyń 30 jastaǵy týmasyn tutqyndady», - dep habarlady baspasóz qyzmetinen.
Polıtsııa qyzmetkerleriniń aıtýynsha, kúdikti osyndaı sıpattaǵy taǵy alty qylmys boıynsha aıyptalýda. Tutqyndaý barysynda K.esimdi azamattyń ústinde kók tústi arnaıy forma boldy.
Budan bólek, kúdikti buǵan deıin de urlyq úshin birneshe ret isti bolǵan.
Qazirgi tańda QR QK-niń 188-baby («Urlyq jasaý») boıynsha sotqa deıingi tergeý jumystary júrgizilýde. Onyń elorda aýmaǵynda osyndaı basqa da qylmystarǵa qatystylyǵy anyqtalýda.
