Telefon buzaqysynyń kesirinen Almaty áýejaıyna 11 reıs keshigip keldi
ALMATY. 11 qyrkúıek. QazAqparat - Keshe, saǵat 17:54-te Almaty Halyqaralyq áýejaıynyń anyqtama qyzmetine bir áıelden saǵat 19:00-de jarylýy tıis bomba týraly habarlama kelip tústi.
Atalǵan aqparat jedel túrde áýejaıdyń basshylyǵy men qaýipsizdigine jaýap beretin qyzmetterine, Almaty qalalyq TJ boıynsha qyzmetterine, polıtsııa jáne quzyrly organdarǵa jetkizildi, dep habarlaıdy «Almaty Halyqaralyq áýejaıy» AQ-nyń baspasóz qyzmetinen.
Jolaýshylar men qyzmetkerlerdi termınal ǵımaratynan shuǵyl túrde qaýipsiz jerge kóshirý bastaldy. Saǵat 18:15-ke qaraı jolaýshylar termınalynyń ǵımaraty tolyq bosatylyp, toqtan ajyratyldy. Odan keıin muqııat tekserý bastaldy, biraq eshqandaı jarylǵysh zat tabylǵan joq. Saǵat 20:00-de jolaýshylarǵa, áýe kemeleri men júk boıynsha qyzmet kórsetý qalpyna keltirildi.
Telefon buzaqysynyń áreketi 11 reıstiń keshigip kelýine sebep boldy. Qazirgi kezde Almaty Halyqaralyq áýejaıynyń barlyq qyzmetteriniń jumysy tolyq qalpyna keltirildi. Quqyq qorǵaý organdary atalǵan fakti boıynsha tergeý júrgizýde. Almaty halyqaralyq áýejaıy keltirilgen shyǵyn somasyn anyqtaýda.
