Telefon alaıaqtarynyń ózderin UQK qyzmetkeri retinde tanystyrý derekteri jıiledi
ASTANA. KAZINFORM – Qazaqstanda qazir Ulttyq qaýipsizdik komıteti qyzmetkerleri retinde ózderin tanystyryp júrgen telefon alaıaqtarynyń áreketteri jıilep ketti.
UQK baspasóz qyzmetiniń málimetinshe, qaskúnemder aqshany zańsyz ıemdený maqsatynda azamattardan qarjylyq operatsııalardy júrgizýge qatysty kómek suraıdy.
«UQK ókilderiniń qyzmettik mindetterin oryndaý aıasynda azamattarǵa kredıt resimdeýdi, aqsha aýdarýdy jáne ózge de qarjy operatsııalaryn jasaýdy usynýǵa ókilettigi joq ekenin habarlaımyz», - delingen Ulttyq qaýipsizdik komıteti aqparatynda.
Sondyqtan kúdik týdyratyn telefon qońyraýlary men habarlamalar, onyń ishinde áleýmettik jeliler arqyly hattar kelip túsken kezde polıtsııa organdaryna júginý kerek.
Eske sala keteıik, buǵan deıin Astana qalasy Saryarqa aýdany polıtsııa basqarmasy bastyǵynyń orynbasary Jasulan Jaqaı óńirlik kommýnıkatsııalar qyzmetinde ótken brıfıngide ınternet alaıaqtyqpen kúres týraly birqatar málimet bergenin jazǵan bolatynbyz. Ona alaıaqtarǵa aqsha aýdaryp qoıǵannan keıin polıtsııaǵa júginýdiń máni bar ekendigi aıtylǵan edi.
Áleýmettik jelide áldekimder Pavlodar oblysy ákiminiń atynan paraqshalar ashqan.
Al, 2023 jyly Jambyl oblysynda 200 adam qarjy pıramıdasyna aldanǵanyn aıtyp shaǵym túsirgen bolatyn.
