Teledıdar pýltin oılap tapqan - qazaq
ASTANA. 9 maýsym. QazAqparat - Teledıdardy qashyqtyqtan basqarý aspabyn senseńiz de, senbeseńiz de, ótken ǵasyrdyń 60 jyldary qazaq oılap tapqan.
Ol kezde Lenıngrad sýret akademııasynyń stýdenti Sháken Nııazbek ónertabysymen aıdaı álemge áıgili bolam dep oılamaǵan-dy. Bul týraly altaynews.kz saıty jazdy.
Kók baıraǵymyzdyń avtory Sháken aǵanyń álemdik jańalyǵy 1964 jyly Chehoslovakııada ótken halyqaralyq baıqaýda bas júldege ıe bolady. Qazaqtyń ónertabysy Lenıngradtaǵy kórmege de qoıylady. Alaıda tańsyq buıym urylarǵa «jem» bolyp kete barady. Qylmyskerlerdi anyqtaý úshin Memlekettik qaýipsizdik komıtetiniń qyzmetkerleri de jumylady. Sóıtse, qazaqtyń tóltýmasyna «jıendik jasaǵan» Japonııa jansyzdary eken.
Ónertabysty urlap alǵan japondyqtar qylmystyń óteýine Sháken aǵaǵa 20 myń som aıyppul tóleıdi. Salystyrý úshin aıtsaq, ol tusta «Volga» kóliginiń quny 4 myń som bolatyn. Kólik demekshi, 70 jyldary «Volganyń» jańa nusqasyn jasaýshylardyń qatarynda da Sháken Nııazbek bolypty.
