Teledıdar aldynda shekteýli ýaqytta ǵana otyratyn balalardyń densaýlyǵy jaqsy bolady
ASTANA. QazAqparat - Jaqynda júrgizilgen zertteýdiń nátıjesinde teledıdar nemese kompıýter aldynda kóp otyrmaıtyn balalardyń uıqysy jaqsy qanyp, mekteptegi úlgerimi telebaǵdarlamalarǵa ýaqytyn kóp bóletin qatarlastaryna qaraǵanda joǵary bolatyny anyqtaldy.
«Eger de ata-analary balalarynyń teledıdar aldyndaǵy ýaqytyn qadaǵalaǵan jaǵdaıda, onda jetkinshekter jaqsy damyp, ashýlanshaq bolmaıdy», - deıdi Aıova shtaty ýnıversıtetiniń doktory Dýglas Jentıı.
Budan burynǵy zertteýler barysynda teledıdardy uzaq tamashalaıtyn balalar semizdikke jıi shaldyǵatyndyǵy anyqtalǵan edi.
Munymen qosa, avstralııalyq ǵalymdardyń zertteýi nátıjesinde ekran aldynda ýaqytynyń basym bóligin ótkizetin órender emotsıonaldyq turǵyda shekteýli bolatynyn, sondaı-aq otbasydaǵy jaǵdaıynda qıyndyqtarǵa jıi tap bolatyny málim bolǵan edi, dep jazady sheteldik BAQ.
