Teledıdar aldynda kóp otyrý mı qurylymyna keri áser beredi
ASTANA. 14 qańtar. QazAqparat - Japondyq ǵalymdar teledıdar aldynda kóp otyrý mı qurylymyna keri áser beretinin anyqtaǵan, dep jazady utro.ru.
Telebaǵdarlamalardy shekten tys kórý mı qurylymyn buzatynyna Tohoký ýnıversıtetiniń ǵalymdary senimdi. Olar 5-18 jas aralyǵyndaǵy balalardyń mı qurylymyn zerdelep, zertteý júrgizgende, teledıdar ekrany aldynda kóp otyrǵan mıdyń ıntellektýaldy damýyna keri áserin tıgizetinin anyqtaǵan, - dep jazady The Daily Mail.
Tájirıbege qatysqan barlyq balalar teledıdardy kúnine 4 saǵattan kóredi, bir ret kórý uzaqtyǵy eki saǵatqa jýyqty quraǵan. Osydan keıin mı qurylymynda ózgeris onyń bólikteri men ózgeristerin aıqyndaýǵa múmkindik beretin túsirilimder serııasy - MRT kómegimen tirkeldi.
MRT ekran aldynda kóp ýaqytyn ótkizgen balalarda mıdaǵy sur zattyń kóp mólsheri mıdyń mańdaı tusy - frontopolıarlyq qyrtysy jaǵynda jınaqtalǵanyn kórsetti. Osy jerde sur zat qalypty damyp kele jatsa, jas ulǵaıǵan saıyn ol azaıyp otyrý kerek eken: zertteý IQ joǵary deńgeıdegi adamdardyń frontopolıarlyq qyrtysy álsireıtinin kórsetti.
Mańdaı tusyna sur zattyń jınalýy balanyń oı-órisiniń damýy - sóz sóıleý, túsiný, sóz maǵynasyn este saqtaý qabiletine áser etedi. Frontopolıarlyq qyrtysy úlken balalar sózdiń maǵynasyn túsinýi qıyndap, sózdik qory azaıa túsedi eken.
