Teledebat saýalnamasynyń nátıjesi belgili boldy
ASTANA. KAZINFORM – Quryltaı saılaýy aldyndaǵy partııalardyń komandalyq teledebatynyń saýalnama qorytyndysy anyqtaldy. Reıtıngte «Ádilet» partııasy 60,6 paıyz daýyspen kósh bastap tur.
Jibek Joly telearnasy tikeleı efıri kezinde kórermenge «Qaı partııa komandasynyń sózi ótimdi?» degen saýal qoıyldy. Kórermender ekrannyń tómengi jaǵyndaǵy QR-kod arqyly daýys bergen. 2 saǵatqa jýyq aralyqta saýalnamaǵa 165 153 kórermen qatysty.
Onlaın daýys berý nátıjesi:
- «Ádilet» partııasy – 60,6%
- «Aýyl» partııasy – 15,1%
- Respublica partııasy – 10,2%
- JSDP – 3,9%
- «Aq jol» partııasy – 3,5%
- Qazaqstan Halyq partııasy – 3,3%
- «Baıtaq» partııasy – 2,7%
- «Eshqaısysyn qoldamaımyn» – 0,7%.
Saýalnamany «Jibek Joly» telearnasynyń tapsyrysy boıynsha Qazaqstandyq qoǵamdyq damý ınstıtýty júrgizdi.
Aıta keteıik, onlaın daýys berý saılaý ýchaskesinde beriletin resmı daýystyń ornyn almastyrmaıdy jáne saılaýǵa qatysýshy partııanyń resmı reıtıngin bildirmeıdi. Bul – kórermenniń komandalyq televızııalyq debatqa qatysqan partııa ókilderiniń jaýaby men belsendiligine berilgen derbes baǵa.
Buǵan deıin ekinshi kezeńinen keıingi saýalnamanyń aralyq nátıjesin jarııaladyq.
