Teledebat saýalnamasy: Ádilet partııasy 59,5% daýyspen alǵa shyqty
ASTANA. KAZINFORM – Qazaqstan qoǵamdyq damý ınstıtýty «Jibek Joly» telearnasy ótkizip jatqan komandalyq teledebattyń ekinshi kezeńinen keıin ózderi uıymdastyrǵan saýalnamanyń aralyq nátıjesin jarııalady.
Kórermender ekrannyń tómengi jaǵyndaǵy QR-kod arqyly qaı partııa ókilderiniń ustanymy men jaýaby unaǵanyn bildirip, daýys berdi.
Onyń qorytyndysy boıynsha:
- «Ádilet» partııasynyń ókilderi Aıjan Aımaǵanova men Mádı Myrzaǵaraev 59,5%;
- JSDP úkilep qosqan Larısa Lı men Nuraınash Kamalova 3,7%;
- «Baıtaq» partııasynyń sózustarlary Amalbek Ómirtaı men Almat Turtaev 2,1%;
- Qazaqstan Halyq partııasynyń ókilderi Jandos Bıdaıbekov pen Irına Smırnova 4,2%;
- «Aýyl» partııasynyń atynan shyqqan Jazıra Sultanqulova men Erbolat Saýryqov 14,4%;
- «Aq jol» partııasynyń týyn ustaǵan Bek-Muhamed Jaýkebaev pen Ermek Ábildın 3,4 %;
- Respublica partııasynyń ókilderi Oljas Quspekov pen Dınara Shúkijanova 12,1% daýys jınady.
Aıta keterligi, bul saýalnama saılaýǵa qatysýshy partııanyń reıtıngin anyqtaýǵa arnalmaǵan. Tek teledebatqa qatysyp jatqan partııa ókiliniń sózine, belsendiligine, jaýabyna kórermen tarapynan berilgen baǵa retinde ǵana qabyldandy.
Buǵan deıin pikirsaıysqa qatysatyn partııa ókilderiniń sóz sóıleý reti de «Jibek Joly» telearnasynyń tikeleı efırinde jerebe arqyly anyqtalǵan bolatyn.
Teledebatty «Jibek Joly» telearnasynan bólek, Jibek Joly TV jáne rezervtik Jibek Joly News YouTube arnalary da kórsetedi. Kórermender tarapynan partııa ókilderine suraq týyndap jatsa, ekranda kórsetilgen WhatsApp nómirine joldaı alady.
Buǵan deıin, komandalyq pikirsaıystyń birinshi kezeńinde partııa ókilderi qarsylas partııalardyń baǵdarlamalary men jumys tarıhyn synap, debat kórigin qyzdyrdy.
