Telearnalardan «Qazaqfılm» qoryndaǵy 200-den astam fılm kórsetiledi
«Memleket qarjylandyrǵan fılmdi jasaýshylar Ulttyq kınony qoldaý memlekettik ortalyǵynyń áleýmettik jelilerinde tikeleı efır tsıklyn iske qosty. Sonymen qatar kúni búginge deıin jalpyǵa qoljetimdi formatta tek respýblıkalyq uıymdardyń 160-qa jýyq kontserti men qoıylymy áleýmettik jelilerge júkteldi. Aldaǵy ýaqytta da bul jobalar óz jalǵasyn tabady. «Qazaqfılm» kınostýdııasy resmı Youtube arnasyna «Altyn kıno qor» jobasymen 1938-2002 jyldarǵa deıin túsirilgen 60-tan astam fılmdi júktedi. Búgingi kúni osy Youtube arnasyndaǵy kórermen sany 10 mıllıonnan asqanyn aıta ketý kerek», - dedi Mádenıet jáne sport mınıstri Aqtoty Raıymqulova OKQ-da onlaın rejımde ótken baspasóz máslıhatynda.
Mınıstr sonymen qatar ár demalys kúnderi KTK telearnasynyń «Domashnıı seans» kınomarafony aıasynda 15 jyl ishinde túsirilgen úzdik qazaqstandyq kartınalar 24 mamyrǵa deıin kórsetiletinin jetkizdi.
«Budan basqa mınıstrliktiń bastamasymen «Qazaqfılm» AQ qoryndaǵy 223 ulttyq fılm Habar, Qazaqstan, Elarna, Kazakh TV, KTK, Jetisý telearnalaryna aqysyz negizde berilip otyr», - dedi ol.
