Telearnalardaǵy otandyq kontent ónimi kólemi 2018 jylǵa qaraı birtindep 50 paıyzǵa jetkiziledi - L. Tanysbaı

Búgin QR Parlamenti Senatynyń jalpy otyrysynda «Teleradıo habarlaryn taratý týraly» Qazaqstan Respýblıkasy zań jobasy boıynsha baıandaǵan QR Baılanys jáne aqparat vıtse-mınıstri Lázzat Tanysbaı osylaı málimdedi.

Vıtse-mınıstrdiń aıtýynsha, atalǵan qujattyń televızııa salasymen qatar búkil qoǵamdy damytý úshin mańyzy zor bolyp tabylady. Bul rette kúni búginge deıin elimizde televızııa salasy qarqyndy damyǵanyna qaramastan, salany quqyqtyq retteıtin zań bolmaı otyrǵanyn aıta ketý kerek.

«2015 jyly Qazaqstan teleradıohabar taratýda tsıfrlyq formatqa kóshetini belgili. Al bul óz kezeginde kóptegen quqqyqtyq máselelerdi týyndatatyny aıqyn. Onyń ishinde bundaı taratý júıesi arqyly otandyq telearnalar sanynyń artatyny kútiledi. ıAǵnı, jańa qyzyqty arnalardyń ashylýyna múmkindik týady. Bul rette zań jobasy telehabarlardy taratýdyń tsıfrlyq formatqa kóshý kezeńin jáne odan keıingi kezeńindegi máselelerdi retteıdi», - deıdi Lázzat Tanysbaı.

Onyń aıtýynsha, zań jobasy azamattardyń otandyq teleradıoarnalarǵa qoljetimdiligin qamtamasyz etedi, aqparattyq qaýipsizdikti kúsheıtedi. Otandyq aqparattyq keńistikti damytyp, onyń básekege qabilettiligin arttyrady. Teleradıo salasyndaǵy sýbektiler qyzmetin de belgileıdi. «Qazirgi tańda bizdiń keıbir teelarnalarda qatygezdik pen zorlyq-zombylyq pornografııalyq materıaldary kezigedi. Sol sebepti osyndaı baǵdarlamalar men fılmderdi kórsetpeýge, ásirese, balalar psıhologııasyna keri áserin tıgizetin teleónimderdi kórsetýge tyıym salynady. Zań jobasynda qazaqstandyq teleradıoarnalardaǵy otandyq kontent ónimi kólemi 2018 jylǵa qaraı birtindep 50 paıyzǵa deıin jetkiziletindigi kórsetilgen. Otandyq kontentti damytýda arnalardyń erkin qoljetimdi jáne mindetti paketteri qalyptastyrylady», - deıdi vıtse-mınıstr.

Esterińizge sala keteıik, Parlament qabyldaǵan zań Memleket basshysynyń qol qoıýyna jiberiledi.