Telearnalar arqyly bilim alý týraly jaqsy pikirler aıtylýda - BǴM
NUR-SULTAN. QazAqparat – Búginde eń mańyzdy máseleniń biri – aýyldyq jerlerdegi oqýshylardy qamtý. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Tańǵy 09:00-den bastap teledıdar arqyly oqý bastaldy. Onyń aldynda bergen keste boıynsha jumys júrgize bastadyq. Balapan, El arna arqyly oqý josparyna sáıkes sabaqtar ótti. Bul másele boıynsha kóp oqýshy qamtyldy dep aıtýǵa bolady. Tıisti saýalnama júrgizgen bolatynbyz. Sol saýalnamaǵa súıenetin bolsaq: ınternetpen jumys istegen balalardyń ózderi qosymsha retinde teledıdardy da qarap, aqparat alǵandary týraly aıtqan» - deıdi QR Bilim jáne ǵylym mınıstri Ortalyq kommýnıkatsııalar ortalyǵynda.
Onyń aıtýynsha, eń mańyzdy máseleniń biri – aýyldyq jerlerdegi oqýshylardy qamtý.
«Búgin túske qaraı birneshe eldi mekenderge telefon soǵyp, ata-analarmen, ustazdarmen sóılesip, aqparat aldym. Balapan, El arna telearnalary arqyly bilim alǵandary týraly jaqsy pikirler aıtylyp jatyr. Osy telearnalar arqyly ary qaraı ja jumysymyzdy júrgizetin bolamyz», - deıdi Ashat Aımaǵambetov.
