Telearnada jastar pikir talastyratyn baǵdarlama ashylmaq

NUR-SULTAN. QazAqparat – «Habar» telearnasynda jastar pikir talastyratyn baǵdarlama ashylmaq. Bul jaıynda QR Aqparat jáne qoǵamdyq damý mınıstrliginiń Etnosaralyq qatynastardy damytý komıteti tóraǵasynyń orynbasary Erkin Úısimbaev aıtty, dep habarlaıdy QazAqparat tilshisi.

«Biz «Jarasym» respýblıkalyq jastar uıymy bazasynda jas kóshbasshylardyń, Qazaqstan halqy Assambleıasy, etnomádenı birlestikter músheleriniń, tanymal blogerlerdiń, volonterlerdiń, qaıyrymdylyq uıymdary ókilderiniń, jýrnalıster men memlekettik qyzmetshilerdiń qatysýymen jas býyndy tolǵandyratyn ózekti máselelerdi talqylaýǵa arnalǵan «Jalyndy jastar» pikirtalas alańyn qurýdy usyndyq», - dedi ol QHA depýtattyq tobynyń Assambleıanyń «Jańǵyrý joly» respýblıkalyq jastar qozǵalysy múshelerimen kezdesýi barysynda.

Onyń atap ótýinshe, bul bastamaǵa QR Aqparat jáne qoǵamdyq damý mınıstri Aıda Balaeva qoldaý bildirgen.

«Habar» telearnasynda arnaýly baǵdarlama jasaý múmkindigin pysyqtaıtyn bolamyz», - dedi Erkin Úısimbaev.