Tele2-niń «Qazaqtelekom» quramyna enýi abonent qaltasyna qalaı áser etedi
NUR-SULTAN. QazAqparat – «Qazaqtelekom» kompanııasynyń bas qarjy dırektory Ashat Ózbekov Tele2 operatorynyń 49 paıyz aktsııasyn satyp alýy abonent qaltasyna qalaı áser etetinin aıtty, dep habarlaıdy QazAqparat tilshisi.
Bıyl mamyr aıynyń sońynda «Qazaqtelekom» jáne Tele2 AB Khan Tengri Holding B. V birlesken kásipornyndaǵy Shved mobıldi operatorynyń 49% úlesin satyp alý týraly shartqa qol qoıǵan bolatyn.
«Tele-2 Qazaqstandaǵy uıaly baılanys naryǵyna úshinshi oıynshy bolyp kirdi. Bul naryqta Kssel jáne Bılaın sııaqty myqty oıynshylar bar edi. Men saýda markalaryn saqtaý boıynsha retteýishtiń óte aıqyn talaby bar dep aıta alamyn. Tele2 markasy taıaýdaǵy jyldary qalady. Kompanııa strategııany túbegeıli ózgertýdi josparlap otyrǵan joq. ıAǵnı, tarıf tóńireginde burynǵy baǵa toptamasy qalady dep oılaımyn. Tarıfterdi kótermeý týraly talap bar. Meniń oıymsha, tarıf tutynýshylardyń múmkindik aıasynda qalady», - dedi Ashat Ózbekov.
