Tele2 men ALTEL qatarlyq ınvestorǵa 1 mıllıard dollarǵa satylady
ASTANA. KAZINFORM – Qatardyń Power International holdıngi «Mobaıl-Telekom Servıs» kompanııasyn 1 mlrd dollarǵa satyp alady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málimdedi.
«Jańa qatarlyq ınvestordyń kelýi – óte mańyzdy bastama, jańa ınvestıtsııalarǵa, jańa esimdi tartý arqyly ınvestorlyq bazany keńeıtýge, naryqta, atap aıtqanda uıaly baılanys operatorlarynda básekelestikti arttyrýǵa múmkindik beredi. Mámile somasy shamamen 1 mlrd dollardy quraıdy», - dedi mınıstr Úkimettegi brıfıngide.
Onyń aıtýynsha, Power International Holding ınfraqurylymǵa shamamen 300 mlrd teńge qarajat bóledi. Oǵan qosa, bazalyq stantsııalardy salý, 5G bazalyq stantsııalaryn ornatý boıynsha mindettemeler bar.
«Bul sharalar básekelestikti kúsheıtedi dep sanaımyz, al básekelestik, ózderińiz biletindeı, sapanyń artýyna ákeledi», - dedi Jaslan Mádıev.
